Þann 25 ágúst hélt ég af stað í 3 mánaða ferðalag sem tók mig til 12 landa: Færeyjar, Noregur, Danmörk, Svíþjóð, Litháen, Hvíta-Rússland, Úkraínu, Rúmeníu, Búlgaríu, Grikkland, Tyrkland og Ítalíu. Þrettánda landið er að vísu Suður-Afríka, en ég tel það ekki með hér því þá var ég í vinnunni.

Ég var einn á ferð og var leytast við að klifra fjöll og keyra um, auk þess að hitta annað mótorhjóla- og ævintýrafólk. Til að verða ekki of einmanna komu María og Erna María til mín þegar ferðin var hálfnuð og áttum við góða tíu daga í Grikklandi.

Skipulagning ferðarinnar stóð yfir frá því á haustdögum 2001, en þó með hléum, uns haldið var af stað. Í upphafi var skipulagningin eingöngu bundin við bókalestur og vef-surf, en þegar mótorhjólið kom á götuna snérist skipulagningin meira um að koma hjólinu í góðan ferðagír.

Við skipulagningu svona ferðar þarf að hafa mörg smáatriði á hreinu. Því er nauðsynlegt að komast í kynni við ferðalanga sem hafa farið um svæðin sem fara á til. Fljótlega eftir að ég hóf að surfa á vefnum fann ég Horizons Unlimited dot com, en það er vefur fyrir þá sem ferðast á mótorhjólum og 4x4. Kíkið á hann, þið verðið ekki fyrir vonbrigðum.

Myndir

Bakhjarlar

Súsí í mótun